Braziliyaning Rio-de-Janeyro shahrida Marsio Matolias ismli erkak 22 yildan buyon plyajda qumdan yasalgan qasrda yashaydi, deb yozadi “Vesti.ru”. Matolias eski kitoblarni sotib kun kechiradi, yuvinish uchun esa yo‘lning narigi tomonida joylashgan o‘t o‘chirish bo‘limiga boradi.
Braziliyalik o‘z qasrini qurishda me’morlar Antonio Gaudi va Oskar Nimeyerning ishlaridan ilhomlanganini aytdi. Dastlab Matolias qum qasrdan kitoblar savdosi uchun foydalanmoqchi bo‘lgan, ammo keyinroq imoratni mustahkamlab, u yerga o‘zi ham ko‘chib o‘tgan.
Mahalliy aholi orasida “qirol” nomi bilan mashhur bo‘lgan erkak vaqtini kitob o‘qish va o‘z boshpanasini mustahkamlash bilan o‘tkazadi. U yakka yashash o‘ziga yoqishini, ammo ba’zan o‘zini juda yolg‘iz his qilishini aytdi.
Izoh (0)