Bugungi kunda poytaxt yo‘llarida harakat xavfsizligini ta’minlash, tirbandliklarning oldini olish va bartaraf qilish hamda yo‘llarning o‘tkazuvchanligini oshirish maqsadida Toshkent shahar IIBB tomonidan keng ko‘lamli amaliy chora-tadbirlar olib borilmoqda, deb xabar beradi Toshkent shahar IIBB matbuot xizmati.
Biroq, shunga qaramay, to‘xtash va to‘xtab turish taqiqlangan yo‘l belgilari ta’sir doirasida, shuningdek, avtobus bekatlari, piyodalar yo‘lkalari (trotuarlar), svetaforlar, burilish va qayrilib olish kabi belgilanmagan joylarda avtotransportlarning to‘xtab turishi yoki ularni qarovsiz qoldirib ketish holatlari uchramoqda.
“Bunday holatlarga qarshi ta’sir doirasini kuchaytirish maqsadida Toshkent shahar IIBB YHXB xodimlari tomonidan endilikda belgilanmagan joylarda qoldirilgan avtomobillar foto va video tasvirga olinib, o‘rnatilgan tartibda qoidabuzarliklarni rasmiylashtirish jarayoni boshlanganligini ma’lum qilamiz”, — deyiladi xabarda.
Shuningdek, Toshkent shahar IIBB YHXB xodimlari haydovchilardan e’tiborliroq bo‘lishni va boshqa haydovchilarni hurmat qilishni so‘ramoqda.
Izoh (0)