AQSh prezidenti Donald Tramp Indianadagi tarafdorlari qarshisida nutq so‘zlayotib, o‘zining KXDR yetakchisi Kim Chen In bilan yaxshi munosabati haqida gapirib berdi, deb yozadi “Vedomosti”.
“Men tinchlikning kelajagini va global gullab-yashnashni ta’minlash uchun Kim Chen In bilan uchrashaman, va bizning aloqalarimiz yaxshi”, — dedi Tramp.
AQSh prezidenti ularning bo‘lg‘usi uchrashuvida “juda yaxshi bir narsa” yuz berishini va’da qildi.
Avvalroq Tramp o‘z Twitter’ida Kim Chen In bilan uchrashuv 12-iyunda Singapurda bo‘lib o‘tishini ma’lum qilib, “Ikkalamiz ham buni dunyo tinchligi uchun o‘ziga xos fursatga aylantirishga harakat qilamiz”, — deb va’da bergandi.
Keyinroq Singapur tashqi ishlar vazirligi Tramp va Kim Chen In 12-iyun kuni uchrashishini tasdiqladi.
Izoh (0)