1-may sanasida Zinedin Zidan boshchiligidagi “Real” Myunxenning “Bavariya”sini ikki o‘yin natijasiga ko‘ra mag‘lub etib, Yevropa Chempionlar Ligasi finaliga yo‘l oldi.
2-may sanasida esa finalning ikkinchi ishtirokchisi nomi Rimda ma’lum bo‘ldi. Dastlabki o‘yinda mehmonda 2:5 hisobida Muhammad Saloh boshchiligidagi “Liverpul”ga imkoniyatni boy bergan Rimning “Roma”si chorak finalda “Barselona”ga qarshi amalga oshirgan kambekni “mersisaydliklar” bilan javob o‘yinida qaytarishga harakat qilib ko‘rdi. Ammo rimliklar buning uchun bitta gol yetmadi.
“Roma” “Liverpul”ni 4:2 hisobida mag‘lub etdi. Biroq qo‘shimcha bo‘limlar tayin etilishi uchun ularga bitta gol kamlik qildi. “Liverpul” esa amaldagi mavsum Chempionlar Ligasidagi ilk mag‘lubiyatini qabul qilganiga qaramay, finalga yo‘l oldi.
Finalda esa ularni “Real Madrid” kutib turibdi. Final o‘yini 26-may kuni Kiyevdagi “Olimpiyskiy” stadionida bo‘lib o‘tishi rejalashtirilgan.
Yevropa Chempionlar Ligasi
Yarim final javob uchrashuvi
2-may, seshanba
“Roma” — “Liverpul” 4:2
Gollar: 0:1 – 9 Mane, 1:1 – 15, avtogol Milner, 1:2 – 25 Veynaldum, 2:2 – 52 Jeko, 3:2 – 86 Nainggolan, 4:2 – 90, penalti Nainggolan.“Roma”: Alisson, Fasio, Manolas, Kolarov, Pellegrini (Under, 53), Florensi, Nainggolan, de Rossi (Gonalon, 69), El-Shaaravi (Antonuchchi, 75), Shik, Jeko.
“Liverpul”: Karius, Lovren, Robertson, Aleksander-Arnold (Klayn, 90), van Deyk, Firmino (Solanke, 87), Veynaldum, Saloh, Milner, Mane (Klavan, 83), Xenderson.
Ogohlantirishlar: Lovren (44), Florensi (77), Manolas (84), Robertson (84), Solanke (90).
Birinchi uchrashuv 2:5
Izoh (0)