1 май санасида Зинедин Зидан бошчилигидаги «Реал» Мюнхеннинг «Бавария»сини икки ўйин натижасига кўра мағлуб этиб, Европа Чемпионлар Лигаси финалига йўл олди.
2 май санасида эса финалнинг иккинчи иштирокчиси номи Римда маълум бўлди. Дастлабки ўйинда меҳмонда 2:5 ҳисобида Муҳаммад Салоҳ бошчилигидаги «Ливерпуль»га имкониятни бой берган Римнинг «Рома»си чорак финалда «Барселона»га қарши амалга оширган камбэкни «мерсисайдликлар» билан жавоб ўйинида қайтаришга ҳаракат қилиб кўрди. Аммо римликлар бунинг учун битта гол етмади.
«Рома» «Ливерпуль»ни 4:2 ҳисобида мағлуб этди. Бироқ қўшимча бўлимлар тайин этилиши учун уларга битта гол камлик қилди. «Ливерпуль» эса амалдаги мавсум Чемпионлар Лигасидаги илк мағлубиятини қабул қилганига қарамай, финалга йўл олди.
Финалда эса уларни «Реал Мадрид» кутиб турибди. Финал ўйини 26 май куни Киевдаги «Олимпийский» стадионида бўлиб ўтиши режалаштирилган.
Европа Чемпионлар Лигаси
Ярим финал жавоб учрашуви
2 май, сешанба
«Рома» — «Ливерпуль» 4:2
Голлар: 0:1 – 9 Мане, 1:1 – 15, автогол Милнер, 1:2 – 25 Вейналдум, 2:2 – 52 Жеко, 3:2 – 86 Наингголан, 4:2 – 90, пенальти Наингголан.«Рома»: Алиссон, Фасио, Манолас, Коларов, Пеллегрини (Ундер, 53), Флоренци, Наингголан, де Росси (Гоналон, 69), Эл-Шаарави (Антонуччи, 75), Шик, Жеко.
«Ливерпуль»: Кариус, Ловрен, Робертсон, Александер-Арнольд (Клайн, 90), ван Дейк, Фирмино (Соланке, 87), Вейналдум, Салоҳ, Милнер, Мане (Клаван, 83), Хендерсон.
Огоҳлантиришлар: Ловрен (44), Флоренци (77), Манолас (84), Робертсон (84), Соланке (90).
Биринчи учрашув 2:5
Изоҳ (0)