AQShda prezident Donald Trampning sobiq shifokori Ronni Jekson nomzodi nomaqbul xulq-atvori tufayli veteranlar ishi bo‘yicha vazir lavozimidan olinganidan so‘ng iste’foga chiqadi, deb xabar beradi “Korrespondent.net”.
Qayd etilishicha, Jekson AQSh prezidentining shaxsiy shifokori sifatidagi vazifalarini bajarishga qaytmaydi. Bu vazifa Shon Konliga topshiriladi. U Jekson yangi lavozimga tavsiya etilganidan so‘ng shaxsiy shifokor vazifasini bajaruvchi etib tayinlangan edi.
Tramp 28-aprel kuni Jekson nomzodini veteranlar ishi bo‘yicha vazir lavozimiga tavsiya etgan edi. Biroq birozdan so‘ng unga qarshi xizmat vazifalarini suiiste’mol qilish aybi ilgari surildi. Xususan, senator Jon Tester Jekson ish vaqtida alkogol qabul qilgani, retseptlarni noqonuniy yozib bergani va hamkasblari bilan zidiyatga borganini ma’lum qilgan edi.
Izoh (0)