KXDR Janubiy Koreya bilan bitta vaqtga o‘tadi. Mamlakat Oliy xalq majlisi prezidiumining tegishli qarori Koreya Markaziy telegraf agentligi tomonidan e’lon qilindi, deb yozadi “RIA Novosti”.
“Pxenyan vaqtini to‘g‘rilash haqida”gi farmonda aytilishicha, bu Janub va Shimol vaqtlarini sinxronlashtirish uchun amalga oshiriladi. Soat millari shu yilning 5-mayidan 30 daqiqa oldinga suriladi.
Qaror koreyalararo sammitdan keyin qabul qilindi, unda tomonlar yarashuv, yadrosizlantirish va hamkorlik haqida kelishib oldi.
Yarim orolning ikkala qismidagi vaqtlar o‘rtasidagi farq KXDR 2015-yil 15-avgust kuni Koreyaning yapon hukmronligidan ozod bo‘lishiga 70 yil to‘lishi munosabati bilan, soat millarini yarim soat orqaga surganidan keyin yuzaga kelgan edi.
Izoh (0)