АҚШда президент Дональд Трампнинг собиқ шифокори Ронни Жексон номзоди номақбул хулқ-атвори туфайли ветеранлар иши бўйича вазир лавозимидан олинганидан сўнг истеъфога чиқади, деб хабар беради «Корреспондент.net».
Қайд этилишича, Жексон АҚШ президентининг шахсий шифокори сифатидаги вазифаларини бажаришга қайтмайди. Бу вазифа Шон Конлига топширилади. У Жексон янги лавозимга тавсия этилганидан сўнг шахсий шифокор вазифасини бажарувчи этиб тайинланган эди.
Трамп 28 апрель куни Жексон номзодини ветеранлар иши бўйича вазир лавозимига тавсия этган эди. Бироқ бироздан сўнг унга қарши хизмат вазифаларини суиистеъмол қилиш айби илгари сурилди. Хусусан, сенатор Жон Тестер Жексон иш вақтида алкоголь қабул қилгани, рецептларни ноқонуний ёзиб бергани ва ҳамкасблари билан зидиятга борганини маълум қилган эди.
Изоҳ (0)