Rossiya mudofaa vaziri Sergey Shoygu IShID jangarilari tor-mor qilingach, Suriya va Iroqdan Markaziy va Janubi-Sharqiy Osiyoga o‘tayotganligi, u yerda yangi terrorchilik yacheykalari tashkil qilayotganini aytdi, deb yozadi “Gazeta.ru”.
U jangarilar ko‘pincha zarba berishning zamonaviy vositalaridan, shu jumladan, uchuvchisiz uchar qurilmalardan foydalanishini ta’kidladi.
“Masalan, Suriyada jangarilar qo‘llaydigan uchuvchisiz uchar qurilmalar 100 kilometrdan oshiq masofada harakatlanishga qodir. Ularni rivojlangan mamlakatlarning texnik ko‘magisiz yaratish imkonsiz. Bunday zarba beruvchi vositalarning aholi zich tumanlarda qo‘llanilishi halokatli oqibatlarga olib kelishi mumkin”, — deya qo‘shib qo‘ydi Shoygu.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)