Telegram messenjeri asoschisi Pavel Durov 22-aprel kuni erkin internetni qo‘llab-quvvatlab o‘tkazilgan qog‘oz samolyotchalar uchirish aksiyasida qatnashgan rossiyaliklarga minnatdorlik bildirdi, deb yozadi Meduza.
U navbatdagi aksiyani 29-aprel kuni (Moskva vaqti bilan) 19:00 ga belgiladi.
Durovning qo‘shimcha qilishicha, agar maxsus xizmatlar shifrlash kalitlarini qo‘lga kiritsa, ular messenjer foydalanuvchilarining yozishmalarini nazoratsiz o‘qiy oladi, bu esa umuman jamiyat xavfsizligini pasaytiradi.
U “bloklash sabablari, rejalari va usullari haqida” uning maxsus pochtasiga yozishlarini so‘radi.
Rossiyada bir haftadan buyon Telegram’ni bloklashga urinishmoqda. Messenjer blokirovkalarni aylanib o‘tish uslubidan foydalanadi, uni to‘sib qo‘yish uchun “Roskomnadzor” eng ommabop “bulutli” servislarga kirishni cheklab qo‘ydi. Bu esa boshqa sayt va servislar ishidagi nosozliklarga olib keldi.
Izoh (0)