Janubiy Koreya mudofaa vazirligi qurolsizlantirilgan hududda radiokarnaylar orqali KXDRga qarshi eshittirishlar uzatishni to‘xtatishini e’lon qildi, deb yozadi “Korrespondent.net”.
“Umid qilamizki, ushbu chora bir-birimizga qarshi targ‘ibotlar va o‘zaro hujumlar bas qilinishiga olib keladi”, — deyiladi muassasa bayonotida.
Ta’kidlanishicha, eshittirishlarning to‘xtatilishi 2018-yildagi Janub va Shimol sammiti arafasida tinchlik muhitini yaratish va harbiy keskinlikni yumshatishga urinish hisoblanadi.
Janubiy Koreya 2015-yildan buyon KXDRga qarshi “psixologik urush” olib borayotgan edi, uning bir qismi sifatida kuniga bir necha soatlab radiokarnaylardan Shimoliy Koreya tizimi va Pxenyandagi rahbariyatga nisbatan tanqidlar eshittirilar edi.
Izoh (0)