Samarqand viloyatining Pastdarg‘om tumanidagi xonadonlardan birida 16-aprel kuni bosqinchilik holati qayd etildi. Bu haqda IIV jamoatchilik va OAV bilan aloqalar boshqarmasi xabar berdi.
Shu kuni soat 06:00 atrofida noma’lum shaxs 1980-yilda tug‘ilgan M.Jabborovaning uyiga ochiq qolgan deraza orqali kiradi. Ayolga pichoq bilan jarohat yetkazib, qulog‘idagi ziragi va 2 ta mobil telefonini olib, voqea joyidan yashirinadi.
Ko‘rilgan choralar natijasida ushbu jinoyatni Chimboy mahallasida yashovchi, 1991-yilda tug‘ilgan F.Niyozov sodir etganligi aniqlanib, qo‘lga olindi.
Hozirda surishtiruv ishlari olib borilmoqda.
Izoh (0)