Hyperloop Transportation Technologies (HTT) kompaniyasi Abu-Dabidagi Aldar Properties kompaniyasi bilan BAAda birinchi tijoriy qurilmasining qurilishi haqida kelishuvni imzoladi. Bu haqda “RIA Novosti” xabar berdi.
Kelishuvga ko‘ra, HTT Abu-Dabi va Dubay amirliklari chegarasida qurilma, Dubayda bo‘lib o‘tadigan Expo - 2020 ko‘rgazmasi maydoni yaqinida innovatsion va sayyohlik markazlarini quradi.
Qurilish bir necha bosqichda amalga oshiriladi va 10 kilometrli qurilmadan boshlanadi. Quriladigan yo‘l keyinchalik BAA chegaralaridan tashqariga tomon davom ettiriladi.
Kompaniya boshqaruvi raisi Bibop Gresta tomonidan ma’lum qilinishicha, Hyperloop tomonidan dunyoda birinchi marta BAAda quriladigan tizimning maqsadi Abu-Dabi, al-Ayn, Dubay va Saudiya Arabistonidagi ar-Riyod shaharlarini bog‘lash hisoblanadi.
Izoh (0)