Shvetsiyada dunyodagi birinchi elektrlashtirilgan yo‘l paydo bo‘ldi, deb yozadi Travel Ask. 2030-yilga kelib, mamlakat yoqilg‘idan butunlay voz kechishni rejalashtirmoqda.
Hozircha elektrlashtirilgan yo‘l sinov rejimida ishlamoqda, uning uzunligi 2 kilometrga teng. Trassa Stokgolmdan aeroportga ketish yo‘lida joylashgan.
Yo‘l polotnosi ostiga 5—6 sm chuqurlikka kontakt relslar o‘rnatilgan. Butun trassa 50 metrli uchastkalarga bo‘lingan, ularning har biri ustidan o‘tayotgan mashinani zaryadlaydi. Elektromobil o‘z navbatida tok qabul qilgich bilan jihozlangan bo‘lishi kerak — u avtomobilning tagiga joylashtiriladi. Agar mashina to‘xtasa, tok avtomatik tarzda o‘chadi. Yo‘l polotnosining o‘zida elektr toki yo‘q, shuning uchun unda oyoqyalang ham yurish mumkin.
Ayni vaqtda texnologiya shunday o‘ylanganki, agar yo‘l qandaydir sababga ko‘ra, suv ostida qolsa, tok qabul qilgichdagi kuchlanish 1 voltgacha tushib ketadi.
Izoh (0)