Aktrisa Shahzoda Matchonova “Ak Ilbirs” qirg‘iz milliy mukofotining “Markaziy Osiyoning eng yaxshi aktrisasi” nominatsiyasida g‘oliblik uchun kurashadi. Bu haqda MyDay xabar bermoqda.
Unga bu muvaffaqiyatni Yolqin To‘ychiyevning “Ma’suma” filmidagi roli olib keldi.
Mazkur mukofot 2012-yilda ta’sis etilgan bo‘lib, 2017-yildan boshlab Markaziy Osiyodagi eng yaxshi aktyor va aktrisalar ham taqdirlanishni boshladi. O‘tgan yili o‘zbekistonlik Feruza Saidova Zulfiqor Musoqovning “Hazonrezgi” filmida yaratgan obrazi uchun “Markaziy Osiyoning eng yaxshi aktrisasi deb topilgandi.
2016-yilda esa Yolqin To‘ychiyevning “Suv parilari uyi” kartinasi “Markaziy Osiyoning eng yaxshi filmi” nominatsiyasida g‘oliblikni qo‘lga kiritgan.
“Ak Ilbirs”ning bu yilgi taqdirlash marosimi 27-aprel kuni Bishkek shahrida bo‘lib o‘tadi.
Izoh (0)