Актриса Шаҳзода Матчонова «Ак Илбирс» қирғиз миллий мукофотининг «Марказий Осиёнинг энг яхши актрисаси» номинациясида ғолиблик учун курашади. Бу ҳақда MyDay хабар бермоқда.
Унга бу муваффақиятни Ёлқин Тўйчиевнинг «Маъсума» фильмидаги роли олиб келди.
Мазкур мукофот 2012 йилда таъсис этилган бўлиб, 2017 йилдан бошлаб Марказий Осиёдаги энг яхши актёр ва актрисалар ҳам тақдирланишни бошлади. Ўтган йили ўзбекистонлик Феруза Саидова Зулфиқор Мусоқовнинг «Ҳазонрезги» фильмида яратган образи учун «Марказий Осиёнинг энг яхши актрисаси деб топилганди.
2016 йилда эса Ёлқин Тўйчиевнинг «Сув парилари уйи» картинаси «Марказий Осиёнинг энг яхши фильми» номинациясида ғолибликни қўлга киритган.
«Ак Илбирс»нинг бу йилги тақдирлаш маросими 27 апрель куни Бишкек шаҳрида бўлиб ўтади.
Изоҳ (0)