12-aprel sanasida Yevropa Ligasi ¼ finali doirasida javob uchrashuvlari bo‘lib o‘tadi. Yarim finalning barcha ishtirokchilari bugun tunda ma’lum bo‘ladi.
Fransiyaning “Marsel” jamoasi bugun yarim finalga chiqish uchun, bundesliga vakili “Leypsig” qarshiligini sindirishga harakat qilib ko‘radi. Marselliklar dastlabki o‘yinda Timo Vernerning yagona goli sabab mehmondan quruq qo‘l bilan qaytgan edi.
Moskvada SSKA Londonning “Arsenal”ini qabul qiladi. Dastlabki uchrashuvda Arsen Venger shogirdlari “armiyachilar” ustidan 4:1 hisobida g‘alaba qozongan edi.
Diyego Simeone boshchiligidagi “Atletiko Madrid” esa Lissabonga safar qiladi. Dastlabki uchrashuvda imkoniyatni boy bergan “Sporting” bugun yarim finalga chiqish uchun “Atletiko”ni mag‘lub etishga urinib ko‘radi.
Avstriyada “Zalsburg” hamda Rimning “Latsio” jamoalari yarim final yo‘llanmasi uchun kurash olib boradi. Birinchi o‘yinda rimliklar 4:2 hisobida g‘alaba qozongan.
Yevropa Ligasi
¼ final javob uchrashuvlari
12-aprel, payshanba
Izoh (0)