O‘zbekiston Qozog‘iston va Tojikiston, shuningdek, qator boshqa davlatlarda elchixonalari uchun yangi binolar qurishni rejalashtirmoqda. Bu Tashqi ishlar vazirligi tizimini tubdan takomillashtirish bo‘yicha chora-talbirlar dasturida ko‘zda tutilgan, deya xabar beradi “Podrobno.uz”.
Qozog‘istonda gap elchixonaning Ostonadagi yangi binosi haqida ketmoqda. O‘zbekiston elchixonasi shu paytgacha Qozog‘istonning sobiq poytaxtida qolayotgan sanoqli vakolatxonalardan biri bo‘lib kelmoqda.
Muassasa Ostonaga ko‘chib o‘tganidan so‘ng Olmaotadagi binoda O‘zbekistonning bosh konsulligi ochiladi.
O‘zbekistonning Tojikistondagi yangi elchixonasi haqidagi masala Prezident Shavkat Mirziyoyevning Tojikistonga davlat tashrifi arafasida kun tartibiga qo‘yildi.
Diplomatik manbalar tomonlar ikki davlat poytaxtlarida elchixonalarning yangi binolari uchun joy ajratish haqida kelishib olganini bildirmoqda.
Izoh (0)