Jinoyat ishlari bo‘yicha Toshkent shahar sudida 9-aprel, dushanba kuni jurnalist Bobomurod Abdullayev, bloger Hayotxon Nasriddinov, tadbirkorlar Shavkat Olloyorov va Ravshan Salayevga nisbatan jinoyat ishi bo‘yicha navbatdagi sud majlisi bo‘lib o‘tdi. Bu haqda “Gazeta.uz” xabar bermoqda.
Mazkur sud yig‘ilishida raislik qiluvchi sudya Zafar Nurmatov Bobomurod Abdullayevning advokati Sergey Mayorovning sobiq Milliy xavfsizlik xizmati (hozirda Davlat xavfsizlik xizmati) tergovchilarini guvoh sifatida taklif etish haqidagi iltimosini qondirdi.
Sergey Mayorov o‘z iltimosnomasida guvoh sifatida MXX tezkor xodimi T.Yoqubov, MXX tergovchilari N.Muhiddinov, A.Veselov, N.To‘raqulov, M.Ergashev, shuningdek, sudga ayrim ma’lumotnomalarni tayyorlagan mutaxassislarni taklif etishni so‘ragandi.
Izoh (0)