Nigeriya hukumati 25-fevral, yakshanba kuni “Boko haram” jangarilari tomonidan Yobe shtatida joylashgan Dapchi qishlog‘idan 110 nafar maktab o‘quvchisi o‘g‘irlab ketilganini tasdiqladi. Bu haqda France-Presse agentligiga tayanib, “TASS” xabar berdi.
“Federal hukumat 19-yanvar kuni jangarilarning ta’lim muassasasiga uyushtirgan hujumi oqibatida o‘g‘irlab ketilgan 110 nafar maktab o‘quvchisi hali topilmaganini tasdiqlaydi”, — deyiladi xabarda.
O‘g‘irlab ketilgan o‘quvchilar soni maktab ma’muriyati va shtat hukumati tomonidan taqdim etilgan ma’lumotlardan so‘ng aniqlandi.
2014-yilda “Boko haram” jangarilari Chibok shahridagi litseydan 276 nafar qizni o‘g‘irlab ketgan edi. Keyinroq, ularning 57 nafari asirlikdan qochishga muvaffaq bo‘lgan, 2016-yilning oktabrida esa yana 20 nafar maktab o‘quvchisi “Qizil Xoch” xalqaro qo‘mitasining muzokalari natijasida ozod qilingan. Shuningdek, 2017-yilda 82 nafar qiz ozodlikka chiqarilgan. Biroq shunga qaramay yuz nafarga yaqin qiz hamon bedarak yo‘qolganlar safida qolmoqda.
Izoh (0)