Anqara Pragadan suriyalik kurdlarning “Demokratik ittifoq” partiyasi sobiq raisi Solih Muslim mamlakatga ekstraditsiya qilinishiga erishdi. Bu haqda Turkiya bosh vazirining o‘rinbosari Bekir Bo‘zdog‘ ma’lum qildi, deya xabar beradi “RIA Novosti”.
Chexiya televideniyesi 25-fevral, yakshanba kuni Solih Muslim Pragada qo‘lga olinganini bildirgandi.
“Turkiya IIV, TIV va Adliya vazirligi uning ekstraditsiyasi masalasida ishlamoqda”, — dedi Bo‘zdog‘.
Turkiya prezidenti Rajab Toyyib Erdo‘g‘on Shonliurfa viloyatidagi chiqishida Muslim Chexiyada qo‘lga olinganini olqishladi va u yaqin orada Turkiya ixtiyoriga topshirilishiga umid bildirdi.
Turkiya yaxlitligiga tajovuz va boshqa jinoyatlarda ayblanayotgan Solih Muslim Turkiya IIV tomonidan qidirilayotgan o‘ta xavfli jinoyatchilar ro‘yxatiga kiritilgan. Uning tutilishi uchun 4 million lira (bir million dollardan ko‘proq) mukofot tayinlangandi.
Izoh (0)