AQSh prezidentining qizi va maslahatchisi Ivanka Tramp davlat rahbari Donald Tramp tomonidan taklif qilingan o‘qituvchilarni qurollantirish tashabbusi bolalarni xavfdan saqlashda yordam berishiga ishonchi komil emasligini aytdi, deb yozadi “RIA Novosti”.
“Rostini aytsam, bilmayman”, — deya javob berdi u NBC telekanali bilan intervyuda o‘qituvchilarning qurollanishi bolalarni himoyalash imkonini berish-bermasligi haqidagi savolga.
“Maktablarimizda qurol olib yurishi mumkin bo‘lganlar uchun o‘ta baland standart bo‘lishi kerakligi shubhasiz”, — deya qo‘shib qo‘ydi Ivanka Tramp.
U prezidentning tashabbusi “yomon g‘oya emasligini, ammo bu muhokama qilinishi kerak bo‘lgan g‘oya ekanligi”ni aytdi.
Avvalroq Donald Tramp Oq uyda shtatlar gubernatorlari uchun uyushtirilgan qabul marosimida Amerika maktablarida otishmalarga boshqa yo‘l qo‘ymaslik kerakligini aytgandi.
Izoh (0)