АҚШ президентининг қизи ва маслаҳатчиси Иванка Трамп давлат раҳбари Дональд Трамп томонидан таклиф қилинган ўқитувчиларни қуроллантириш ташаббуси болаларни хавфдан сақлашда ёрдам беришига ишончи комил эмаслигини айтди, деб ёзади «РИА Новости».
«Ростини айтсам, билмайман», — дея жавоб берди у NBC телеканали билан интервьюда ўқитувчиларнинг қуролланиши болаларни ҳимоялаш имконини бериш-бермаслиги ҳақидаги саволга.
«Мактабларимизда қурол олиб юриши мумкин бўлганлар учун ўта баланд стандарт бўлиши кераклиги шубҳасиз», — дея қўшиб қўйди Иванка Трамп.
У президентнинг ташаббуси «ёмон ғоя эмаслигини, аммо бу муҳокама қилиниши керак бўлган ғоя эканлиги»ни айтди.
Аввалроқ Дональд Трамп Оқ уйда штатлар губернаторлари учун уюштирилган қабул маросимида Америка мактабларида отишмаларга бошқа йўл қўймаслик кераклигини айтганди.
Изоҳ (0)