Iroq jinoiy sudi IShIDni qo‘llab-quvvatlashda ayblangan turkiyalik 16 nafar ayolga o‘lim hukmi chiqardi. Bu haqda “TASS” xabar bermoqda.
Mamlakat oliy sud kengashi vakili Abdulsattor Bayroqdorga ko‘ra, “tergov chog‘ida sudlanuvchilar guruhga mansub ekanliklari va jangarilarni qo‘llab-quvvatlab kelganini tan oldi. Hukm Iroq aksilterror qonunchiligiga binoan chiqarildi va mamlakat sudida unga shikoyat keltirilishi mumkin”.
OAV Iroq rasmiylari IShID jangarilariga turmushga chiqqan bir necha yuz ayolni qo‘lga olganini ta’kidlamoqda. Ular orasida Yevroittifoq, Osiyo davlatlari, shuningdek, AQSh va Rossiya fuqarolari bor.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)