Vazirlar Mahkamasi “Mahalla institutining yanada samarali faoliyat yuritishini ta’minlash chora-tadbirlari to‘g‘risida” qaror imzoladi, deb yozadi Norma.
Hujjat davlat va jamoat tashkilotlari tomonidan fuqarolar yig‘inlaridagi jamoatchilik tuzilmalariga uslubiy-amaliy ko‘maklashish, o‘zaro bog‘liq bo‘lgan vazifalar ijrosini to‘laqonli ta’minlash tizimini shakllantirish hamda o‘zaro hamkorlikni yanada rivojlantirish maqsadida qabul qilindi.
Fuqarolarning o‘zini o‘zi boshqarish organlari faoliyatini muvofiqlashtirish bo‘yicha respublika kengashi, manfaatdor vazirliklar, idoralar va nodavlat notijorat tashkilotlarining davlat va nodavlat notijorat tashkilotlarini ularning o‘zaro bog‘liq bo‘lgan vazifalari va funksiyalarini inobatga olgan holda, fuqarolar yig‘inlaridagi jamoatchilik tuzilmalariga biriktirish to‘g‘risidagi taklifi ma’qullandi.
Jamoatchilik tuzilmalariga biriktirilgan davlat va nodavlat notijorat tashkilotlarining o‘zaro hamkorlik yo‘nalishlari qarorga ilovada keltirildi.
Fuqarolar yig‘inlaridagi jamoatchilik tuzilmalariga biriktirilgan davlat organlari quyidagilar:
- Ichki ishlar vazirligi;
- Madaniyat vazirligi;
- Sog‘liqni saqlash vazirligi;
- Bandlik va mehnat munosabatlari vazirligi;
- Moliya vazirligi;
- Xalq ta’limi vazirligi;
- Jismoniy tarbiya va sport davlat qo‘mitasi;
- Adliya vazirligi;
- Ekologiya va atrof-muhitni himoya qilish davlat qo‘mitasi;
- Xususiylashtirilgan korxonalarga ko‘maklashish va raqobatni rivojlantirish davlat qo‘mitasi;
- Davlat soliq qo‘mitasi.
- Xotin-qizlar qo‘mitasi;
- O‘zbekiston musulmonlari idorasi;
- Respublika Ma’naviyat va ma’rifat markazi;
- Kasaba uyushmalari federatsiyasi;
- “Nuroniy” jamg‘armasi;
- O‘zbekiston yoshlar ittifoqi;
- Savdo-sanoat palatasi;
- tijorat banklari;
- O‘zbekiston ekologik harakati;
- Iste’molchilar huquqlarini himoya qilish jamiyatlari federatsiyasi;
- O‘zbekiston fermer dehqon xo‘jaliklari va tomorqa yer egalari kengashi;
- “Hunarmand” uyushmasi.
Izoh (0)