Ўзбекистонда давлат органлари ва нодавлат ташкилотлар фуқаролар йиғинларига бириктирилди

Вазирлар Маҳкамаси «Маҳалла институтининг янада самарали фаолият юритишини таъминлаш чора-тадбирлари тўғрисида» қарор имзолади, деб ёзади Norma.

Ҳужжат давлат ва жамоат ташкилотлари томонидан фуқаролар йиғинларидаги жамоатчилик тузилмаларига услубий-амалий кўмаклашиш, ўзаро боғлиқ бўлган вазифалар ижросини тўлақонли таъминлаш тизимини шакллантириш ҳамда ўзаро ҳамкорликни янада ривожлантириш мақсадида қабул қилинди.

Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши, манфаатдор вазирликлар, идоралар ва нодавлат нотижорат ташкилотларининг давлат ва нодавлат нотижорат ташкилотларини уларнинг ўзаро боғлиқ бўлган вазифалари ва функцияларини инобатга олган ҳолда, фуқаролар йиғинларидаги жамоатчилик тузилмаларига бириктириш тўғрисидаги таклифи маъқулланди.

Жамоатчилик тузилмаларига бириктирилган давлат ва нодавлат нотижорат ташкилотларининг ўзаро ҳамкорлик йўналишлари қарорга иловада келтирилди.

Фуқаролар йиғинларидаги жамоатчилик тузилмаларига бириктирилган давлат органлари қуйидагилар:

• Ички ишлар вазирлиги;
• Маданият вазирлиги;
• Соғлиқни сақлаш вазирлиги;
• Бандлик ва меҳнат муносабатлари вазирлиги;
• Молия вазирлиги;
• Халқ таълими вазирлиги;
• Жисмоний тарбия ва спорт давлат қўмитаси;
• Адлия вазирлиги;
• Экология ва атроф-муҳитни ҳимоя қилиш давлат қўмитаси;
• Хусусийлаштирилган корхоналарга кўмаклашиш ва рақобатни ривожлантириш давлат қўмитаси;
• Давлат солиқ қўмитаси.

• Хотин-қизлар қўмитаси;
• Ўзбекистон мусулмонлари идораси;
• Республика Маънавият ва маърифат маркази;
• Касаба уюшмалари федерацияси;
• «Нуроний» жамғармаси;
• Ўзбекистон ёшлар иттифоқи;
• Савдо-саноат палатаси;
• тижорат банклари;
• Ўзбекистон экологик ҳаракати;
• Истеъмолчилар ҳуқуқларини ҳимоя қилиш жамиятлари федерацияси;
• Ўзбекистон фермер деҳқон хўжаликлари ва томорқа ер эгалари кенгаши;
• «Ҳунарманд» уюшмаси.