Британия қироличаси Елиавета II Лондондаги мода ҳафталигида иштирок этди, деб ёзади Mirror.
Қиролича ҳафталикда модельер Ричард Куин асос солган Richard Quinn брендининг янги тўплами намойиш этилаётган пайтда келган.
Елизавета II дефиленинг биринчи қаторида Vogue журналининг Британияда чоп этиладиган талқини бош муҳаррири Анна Винтур билан бирга ўтирган.
Экспертларнинг қайд этишича, намойишга Анна Винтур ёрқин рангли гулли матодан тикилган ёзги кўйлак кийиб келган ва қиролича билан суҳбатлашаётганида ҳам қора кўзойнагини ечмаган. Бу эса ахлоқ нормаларига тўғри келмайди, дейилади хабарда.
Намойишдан сўнг қиролича Ричард Куинга дизайн учун Елизавета II расмий мукофотини топширган. Мукофот қироличанинг шахсий дизайнери Анжела Келли томонидан тайёрланган.
Изоҳ (0)