Polshaning Olshtin shahri atrofida yashovchi erkak mamlakat rahbariyatiga suiqasd tayyorlagan va buning uchun 300 kilogramm portlovchi modda to‘plagan. Bu haqda “RIA Novosti” xabar bermoqda.
Prokuror u aynan kimga qarshi suiqasd tayyorlaganini oshkor etmadi, “gap prezident, hukumat va parlament haqida ketmoqda”, degan umumiy jumladan nariga o‘tmadi.
Teraktga tayyorgarlik 2014—2017-yillarda davom etgan. Erkak bu vaqt mobaynida salkam 300 kilogramm portlovchi modda to‘plagan. Bir necha tintuvlar chog‘ida uning uyida salkam 500 metr pilta, portlatgichlar aniqlangan.
Shuningdek, u qonuniy ravishda xarid qilingan 25 ta o‘qotar qurol va 25 ming patronga ega bo‘lgan.
Izoh (0)