AQSHning sobiq prezidenti Barak Obama Kongressga 2016-yilgi Amerika saylovlariga Rossiyaning aralashuvi mavzusini bo‘rttirib ko‘rsatish bo‘yicha til biriktirish yuzasidan ko‘rsatma berish uchun chaqirilishi mumkin. Bu haqda Kongress vakillar palatasi spikeri Mayk Jonson ma’lum qildi, deya xabar bermoqda CBN.
“Agar bu Obamaga noqulaylik tug‘dirsa, u bu ishga aralashmasligi kerak edi. Biz uchun esa vaziyat aynan shunday ko‘rinmoqda”, dedi u sobiq prezidentga ko‘rsatma berish uchun chaqiruv qog‘ozini topshirishda qiyinchiliklar bormi, degan savolga javoban.
Jonsonning aytishicha, Amerika qonunchilarining vazifasi har bir ayblovni tekshirish va haqiqatni “ildizini aniqlash”dan iborat.
Aniqlanishicha, Milliy razvedka direktori Tulsi Gabbard AQSH hukumati amaldagi Amerika rahbari Donald Tramp g‘alaba qozongan 2016-yilgi saylovlarda Obama ma’muriyatidagi fitna ishtirokchilariga ayblov qo‘yish imkonini beruvchi dalillarga ega ekanligini ta’kidlagan.
Bundan oldin Tramp Obamani Rossiyaga qarshi tuhmatlar uyushtirganlikda ayblagan edi. Uning aytishicha, Obama, AQSHning sobiq prezidenti Jo Bayden, prezidentlikka nomzod Hillari Klinton va boshqalar Rossiyaning 2016-yilgi Amerika saylovlariga aralashuvi haqidagi soxta ma’lumotni yaratishda ishtirok etgan.
Bunda avval Tramp Obamaning tez orada qamoqqa olinishiga ishora qilib, sobiq prezident FQB xodimlari tomonidan hibsga olinayotgani tasvirlangan sun’iy yaratilgan videoni e’lon qilgandi.
Izoh (0)