Aksariyat odamlar hayotida hech bo‘lmaganda bir marta papilloma virusi bilan to‘qnash kelishgan, lekin ko‘pincha bu haqda bilishmaydi — OPV (odam papillomasi virusi) simptomlarni keltirib chiqarmasligi va o‘zi yo‘qolib ketishi mumkin. Biroq kasallikning yuqori onkogen turlari organizmda ushlanib qolishi, displaziya va hatto saraton kasalliklarining rivojlanishiga olib kelishi mumkin.
Papillomalar nima?
Birinchi paydo bo‘lgan fikr — bu odam papilloma virusi. Ammo shuni tushunish kerakki, bu toshmalar OPV bilan hech qanday bog‘liq emas. Papillomaning tibbiy nomi akroxordonlar yoki yumshoq fibroma, fibropapillomadir. Akroxordonlar och yoki to‘q rangli o‘ziga xos tomchi kabi ko‘rinadi - bu odamning fototipi bilan bog‘liq. Asosiy o‘ziga xos xususiyati - uning “oyog‘i” (teri bilan bog‘lovchi qism). Uning kattaligi har xil bo‘lishi mumkin: 1 yoki 2 millimetrdan 2 santimetrgacha.
Papillomalar nima uchun paydo bo‘ladi?
“Akroxordonlar ko‘pincha mexanik ishqalanish kuchaygan joylarda yoki terining tabiiy burmalarida (bo‘yin, qo‘ltiq osti, ko‘z qovoqlari) paydo bo‘ladi. Ular bir necha sabablarga ko‘ra kelib chiqishi mumkin: yosh, ikkinchi turdagi qandli diabet, ortiqcha vazn, glyukozaga chidamlilikning pasayishi, boshqa somatik kasalliklar, genetik moyillik”, deya javob beradi ekspert.
Papillomalar nimasi bilan xavfli?
Shifokorning aytishicha, akroxordonlar mutlaqo xavfsiz. Biroq ko‘pincha biz ularga taqinchoqlar bilan tegib ketamiz, yulib olamiz, teginamiz, shuning uchun ulardan o‘z vaqtida qutulish muhimdir. Akroxordonlar shikastlansa, ular kattalashishi mumkin.
Aynan papilloma va kondilomalar virus tabiatli so‘gallardir. Ular umumiy foydalanishdagi buyumlar orqali yuqadi. Haqiqiy papillomalar ancha zich, teriga yopishib turadi, tangachalar bilan qoplangan bo‘ladi, eng muhimi, ularda “oyoqcha” bo‘lmaydi. Ular xavfli bo‘lib, immunolog-dermatologda davolanishni talab qiladi.
Papillomalarni qanday davolash mumkin?
Akroxordonni olib tashlash uchun radioto‘lqinli jarrohlik apparati yoki elektrokoagulyatsiya (yuqori chastotali elektr toki) usuli qo‘llaniladi. Mutaxassis giperpigmentatsiyaning oldini olish uchun ularni kuz-qish mavsumida olib tashlashni maslahat beradi.
Har qanday holatda ham aniq tashxis qo‘yish va tegishli chorani ko‘rish, uni olib tashlash yoki davolash usulini tanlash uchun dermatologga murojaat qilish muhimdir. O‘z-o‘zini davolash butunlay taqiqlanadi. Uydagi tibbiyoti vositalari jarohat yoki kuyishga olib kelishi mumkin.
Izoh (0)