“Real Madrid” klubi “Arsenal” markaziy himoyachisi Uilyam Salibaga jiddiy qiziqish bildirmoqda. Bu haqda Ispaniyaning AS nashri xabar bermoqda.
Manbaga ko‘ra, “qaymoqranglilar” 24 yoshli fransiyalik futbolchining Chempionlar Ligasi doirasidagi o‘yinlaridan hayratda qolgan. Ayniqsa, Salibaning chorak final doirasidagi “Real Madrid”ga qarshi bahsda Kilian Mbappega qarshi ko‘rsatgan ishonchli harakatlari klub rahbariyatida ijobiy fikr uyg‘otgan.
Shuningdek, Saliba “Arsenal” bilan tuzilgan amaldagi shartnomani uzaytirishga shoshilmayotgani aytilmoqda. Futbolchi va “to‘pchilar” o‘rtasidagi kelishuv 2027-yilning yozigacha amal qiladi. Biroq “kanonirlar” futbolchini 2032-yilgacha jamoda saqlab qolish maqsadida yangi shartnoma taklif qilishni rejalashtirmoqda.
Ma’lumot uchun, Uilyam Saliba o‘tgan mavsumda barcha musobaqalar doirasida 51 o‘yinda maydonga tushib, 2 ta gol kiritgan. Transfermarkt portali uning qiymatini 80 million yevroga baholamoqda.
Izoh (0)