Польшанинг Олштин шаҳри атрофида яшовчи эркак мамлакат раҳбариятига суиқасд тайёрлаган ва бунинг учун 300 килограмм портловчи модда тўплаган. Бу ҳақда «РИА Новости» хабар бермоқда.
Прокурор у айнан кимга қарши суиқасд тайёрлаганини ошкор этмади, «гап президент, ҳукумат ва парламент ҳақида кетмоқда», деган умумий жумладан нарига ўтмади.
Терактга тайёргарлик 2014—2017 йилларда давом этган. Эркак бу вақт мобайнида салкам 300 килограмм портловчи модда тўплаган. Бир неча тинтувлар чоғида унинг уйида салкам 500 метр пилта, портлатгичлар аниқланган.
Шунингдек, у қонуний равишда харид қилинган 25 та ўқотар қурол ва 25 минг патронга эга бўлган.
Изоҳ (0)