Yer sharida global iqlim o‘zgarishlari oqibatlari, shuningdek boshqa ekologik muammolar tobora ko‘proq nizoli vaziyatlarni keltirib chiqarmoqda. Bunday fikrni BMTning atrof-muhit bo‘yicha dasturi (YuNEP) koordinatori Mohir Aliyev aytib o‘tdi, deb yozadi “Korrespondent.net”.
Aliyev ta’kidlashicha, iqlim o‘zgarishi bilan Yer sharining muayyan hududlaridagi aholi bu yerlarda yashay olmaydi va o‘zlari uchun maqbulroq sharoitlarni qidirishga majbur bo‘ladi.
“Shu bilan birga, ‘iqlim migratsiyasi’, kelgindi aholining mahalliylar bilan to‘qnashuvi kabi masalalar yuzaga kelishi muqarrar. Bu yerdan kelib chiqadigan qator oqibatlar xavfsizlik masalalari, suv resurslari masalasi, qishloq xo‘jaligi imkoniyatlarining tugashi masalalariga bevosita ta’sir o‘tkazadi”, — dedi ekspert.
Ushbu tendensiyaga qarshi turish uchun YuNEP Myunxen konferensiyasi bilan hamkorlik to‘g‘risida bitim imzoladi. Bu, hech bo‘lmaganda, xavfsizlikni ta’minlash masalalariga ekologik muammolarni hisobga olgan holda nazar solish imkonini beradi, deya ta’kidlashdi BMTda.
Izoh (0)