Rossiya tergov qo‘mitasining xodimlari 11-fevral kuni Podmoskovyeda halokatga uchragan An-148 samolyoti bo‘yicha tergov ishlarini olib bormoqda. Parametrik va ovoz yozish qurilmalarda qayd etilgan ma’lumotlarga ko‘ra, o‘z displeylarida turlicha tezlik ko‘rsatkichiga duch kelgan uchuvchilar havo kemasi yerga qulab tushguniga qadar o‘zaro janjallashgan, deb xabar berdi “Kommersant”.
Qattiq shikast yetgan “qora quti”ni qayta tiklashdan so‘ng ma’lum bo‘ldiki, undagi ma’lumotlar juda qisqa. Avvaliga “Domodedovo” aeroportidan uchish vaqtida uchuvchilar nazorat xaritasini o‘qigan, turli mexanizm va qurilmalarning ishlashini tekshirgan. Shu bilan birga, tezlik datchiklaridagi ma’lumotlarni o‘qiydigan priyomniklar isitgichini ishga tushirish xaritada belgilangan bo‘lsa-da, uni yoqishmaydi. Parvoz amalga oshirilganidan ko‘p o‘tmay turib uchuvchilar qurilamalardagi tezlik ko‘rsatkichlari juda past ekanligini payqab qoladi. O‘zaro janjallashgan holda ular tezlikni oshirib, samolyotni yerga og‘dirish orqali muammoni hal etishga harakat qiladi.
Ma’lumotlarga ko‘ra, uchuvchilar muammo nimada ekanligini baribir tushuna olmagan.
Davlatlararo aviatsiya qo‘mitasining ekspertlarini xulosasiga ko‘ra, isitgichning ishga tushirilmasligi fyuzelajdagi uchta priyomnikning muzlab qolishiga olib kelgan va natijada uchuvchilar displeyidagi tezlik haqida noto‘g‘ri ma’lumotlarni ko‘rsatgan. Samolyot 2 ming metr balandlikda bo‘lganida, uchuvchilardan birining indikatorida tezlik soatiga 200 kilometrni ko‘rsatgan bo‘lsa, ikkinchisida umuman nolga teng bo‘lgan. Aslida esa havo kemasi soatiga 600 kilometrda harakatlangan. Ekipaj kerakli tezlikka erishish uchun keskin pasayishni amalga oshirgan va yerga qulagan.
Eslatib o‘tamiz, “Saratov avialiniyalari” kompaniyasining Moskvadan Orskka yo‘l olgan An-148 yo‘lovchi samolyoti poytaxt viloyatida halokatga uchradi. Havo kemasi bortida 71 kishi — 65 yo‘lovchi va 6 nafar ekipaj a’zosi bo‘lgan.
Izoh (0)