Checheniston rahbari Ramzan Qodirov Vladimir Putinga davlatni umrbod boshqarishni tiladi, shuningdek, unga respublika uchun qilgan barcha ishlari uchun minnatdorlik bildirdi, deb yozadi “RIA Novosti”.
Qodirov tomonidan Telegram’ga joylangan post uning Checheniston prezidenti vazifasini bajarayotganiga 11 yil to‘lishiga bag‘ishlandi. Unda respublika rahbari Putinga o‘ziga bildirilgan ishonch uchun rahmat aytib, shu yillar ichida prezidentning ishochini oqlashga harakat qilganini ta’kidladi.
“Prezidentimiz, Oliy Bosh qo‘mondonimizga uzoq umr, davlatni umrbod boshqarishini tilayman. Biz esa doimo unga sodiqlik bilan xizmat qilamiz va qo‘yilgan barcha vazifalarni oliy darajada bajaramiz!” — deb yozdi u.
Izoh (0)