Amerikaning Tennessi shtatida istiqomat qiluvchi Konni Allen politsiya ta’qibidan yashirinishga urindi va o‘zining bu kabi xatti-harakatini “Xudo ruxsat berdi” deya tushuntirdi. Bu haqda Associated Press agentligi xabar qildi.
Politsiyachilar yuqori tezlikda harakatlanayotgan 52 yoshli ayolning avtomobilini to‘xtatish maqsadida unga signal orqali murojaat qilgan va ortidan quvgan. Ayol mashinani to‘xtatish o‘rniga tezlikni yanada oshirgan. Boshqa bir politsiyachi qochoqning yo‘lini to‘sganidan keyingina u to‘xtashga majbur bo‘lgan.
Ayol avtomobildan qo‘lini ko‘targan holda tushishdan bosh tortgan. Politsiyachilar tahdid qilib, mashina oynalarini taqillata boshlaganida ayol o‘zini Bibi Maryam deya tanishtirgan va chaqaloq Isoni olish uchun shoshayotganini aytgan. Uning so‘zlariga ko‘ra, ayolga tezlikni oshirish uchun Xudo ruxsat bergan.
Shuningdek, ayol o‘zining besh yil burun vafot etganligini so‘zlagan. Unga nisbatan tezlikni oshirish, avtomobilni xavfli boshqarish, politsiyadan qochish va huquq-tartibot xodimlarini haqorat qilish ayblovlari ilgari surilgan.
Izoh (0)