Американинг Теннесси штатида истиқомат қилувчи Конни Аллен полиция таъқибидан яширинишга уринди ва ўзининг бу каби хатти-ҳаракатини «Худо рухсат берди» дея тушунтирди. Бу ҳақда Associated Press агентлиги хабар қилди.
Полициячилар юқори тезликда ҳаракатланаётган 52 ёшли аёлнинг автомобилини тўхтатиш мақсадида унга сигнал орқали мурожаат қилган ва ортидан қувган. Аёл машинани тўхтатиш ўрнига тезликни янада оширган. Бошқа бир полициячи қочоқнинг йўлини тўсганидан кейингина у тўхташга мажбур бўлган.
Аёл автомобилдан қўлини кўтарган ҳолда тушишдан бош тортган. Полициячилар таҳдид қилиб, машина ойналарини тақиллата бошлаганида аёл ўзини Биби Марям дея таништирган ва чақалоқ Исони олиш учун шошаётганини айтган. Унинг сўзларига кўра, аёлга тезликни ошириш учун Худо рухсат берган.
Шунингдек, аёл ўзининг беш йил бурун вафот этганлигини сўзлаган. Унга нисбатан тезликни ошириш, автомобилни хавфли бошқариш, полициядан қочиш ва ҳуқуқ-тартибот ходимларини ҳақорат қилиш айбловлари илгари сурилган.
Изоҳ (0)