3 февраль куни Сурхондарё вилояти Денов тумани Бобур маҳалласида яшовчи 1996 йилда туғилган А.Х. туман ИИБга ариза билан мурожаат қилди, деб хабар беради вилоят ИИБ матбуот хизмати.
Фуқаро ўз аризасида 9 январь кунига ўтар кечаси яшаш уйи олдида турган ўзига тегишли «ВАЗ» 2106 русумли автоулови салонидан 1 дона бозорда сотилиш нархи 150 000 сўм бўлган Jivis русумли магнитофони, 1 жуфт бозорда сотилиш нархи 400 000 сўм бўлган Kenwood русумли овоз кучайтириш мосламаси, 1 дона бозорда сотилиш нархи 95 000 сўм бўлган флеш карта ва 1 дона бозорда сотилиш нархи 400 000 сўм бўлган MP5 русумли автомашина мониторини номаълум шахслар ўғирлаб кетганлигини билдирган.
Олиб борилган қидирув ва суриштирув ишлари натижасида ушбу ўғрилик жиноятини шу туманда яшовчи 1996 йилда туғилган А.Д. содир этганлиги аниқланиб ушланган ва ашёвий далиллар олинган.
А.Д.га нисбатан 6 февраль куни Ўзбекистон Республикаси ЖКнинг 169-моддаси (ўғрилик) 1-қисми билан жиноят иши қўзғатилган. Ҳозирда А.Д.нинг бошқа жиноятга алоқаси бор-йўқлиги бўйича тергов суриштирув ишлари олиб борилмоқда.
Изоҳ (0)