Ўзбекистонда пахта теримида доимий равишда болалар меҳнатидан фойдаланишга чек қўйилди, мажбурий меҳнат амалиётини тугатиш учун эса муайян чоралар кўрилмоқда. Бу ҳақда Халқаро меҳнат ташкилоти (ХМТ)нинг Жаҳон банкига йўналтирилган ҳисоботида айтилади, деб ёзади «Газета.uz».
«Ўзбекистонда 2017 йилги пахта ҳосили йиғим-терими чоғида болалар ва мажбурий меҳнатни йўқ қилиш бўйича чораларнинг мустақил мониторинги» ҳисоботи 3000 дан ортиқ суҳбатларга асосланди. Суҳбатлар кузатувчиларсиз ва огоҳлантиришсиз олиб борилди. Уларнинг натижалари мамлакат пахта тармоғида асосий меҳнат ҳуқуқларини таъминлашга қаратилган сезиларли ўзгаришлар олиб борилаётганини кўрсатмоқда.
«2017 йилги пахта йиғим-терими ошкоралик ва мулоқот устунлиги шароитида бўлиб ўтди. Бу фуқаролик жамиятининг барча гуруҳларига, шу жумладан танқидий кайфиятдаги алоҳида активистларга ҳам тегишли бўлди. Бу келажак учун оптимизм руҳини беради. Шу билан бир вақтда вилоят ва туманлар даражасида мамлакат ҳукумати томонидан чиқарилаётган кўп сонли фармонлар ва қарорларни бажариш ва ўзлаштиришга ҳамон улгуришмаяпти», — дейди ХМТнинг меҳнат соҳасидаги асосий тамойиллар ва ҳуқуқлар бўйича бўлими раҳбари Беате Андрес.
Мониторинг шуни кўрсатдики, 2017 йилда 2,6 миллион пахта терувчиларнинг аксарияти ҳосил йиғим-теримида кўнгилли равишда қатнашган, болалар ва мажбурий меҳнатга йўл қўйилмаслигини эса мамлакатда яхши тушунашади. Ҳисоботда аввалроқ пахта теримида болалар меҳнатидан мунтазам фойдаланиш ҳолатлари бошқа кузатилмаётгани, аммо болалар мактабга қатнашда давом этаётгани билан боғлиқ вазиятни доимо кузатиш зарурлиги ҳақида қилинган хулосалар тасдиқланган.
Изоҳ (0)