AQShning Kolorado universiteti iqlimshunoslari joriy asrning oxiriga borib dunyo okeani sathining yarim metrga ko‘tarilishi qirg‘oqbo‘yi shaharlari va orollarning suv ostida qolishini aniqladi, deb yozmoqda “RIA Novosti”.
Aviakuzatuvlar dengiz sathi har yili 2,9 millimetrga ko‘tarilayotganini ko‘rsatgan. Olingan natijalardan kelib chiqqan xulosaga ko‘ra, 2100-yilda dunyo okeani suvlari XXI asr boshiga nisbatan 65 santimetrga ko‘tariladi.
Ta’kidlanishicha, agar mutaxassislarning hisob-kitobi to‘g‘ri bo‘lib chiqsa, ba’zi qirg‘oqbo‘yi shaharlari va kichik orollar suv ostida qoladi.
Toshqinlar Janubiy Florida, Bangladesh, Shanxay, Vashingtonning bir qismini suv ostida qoldiradi. Bunga Grenlandiya va Antartidadagi muzliklarning global iqlim isishi sababli erishi sabab bo‘ladi, deb hisoblamoqda olimlar.
Izoh (0)