“Musavat” muxolif partiyasi 11-aprel kuni Ozarbayjon prezidentligiga bo‘lib o‘tadigan navbatdan tashqari saylovda ishtirok etishdan bosh tortdi, deb xabar berdi “Interfaks”.
“Partiyaning navbatdan tashqari syezdida Ozarbayjon prezidentligiga bo‘lib o‘tadigan saylovda ishtirok etmaslik qarori qabul qilindi”, — dedi partiya vakili. Bundan oldin ikkita muxolif partiya — Ozarbayjon milliy demokratik partiyasi va Demokratik kuchlar milliy kengashi ham saylovda ishtirok etishdan bosh tortgandi.
Ozarbayjonda navbatdagi prezidentlik saylovlari 17-oktabr kuni bo‘lib o‘tishi kerak edi. Biroq amaldagi prezident Ilhom Aliyev 5-fevral kuni saylovni 11-aprelga ko‘chirish borasida buyruq bergandi.
Ilhom Aliyev 2003-yildan buyon Ozarbayjonga rahbarlik qilib keladi. 2008 va 2013-yilda qayta saylangan. Mamlakat konstitutsiyasiga 2016-yilning kuzida kiritilgan o‘zgartirishga ko‘ra, mamlakat prezidenti yetti yilga saylanadi.
Izoh (0)