KXDR yetakchisi Kim Chen In Janubiy Koreya bilan munosabatlarni yaxshilashni davom ettirishni muhim deb hisoblaydi. Bu haqda Koreya Markaziy telegraf agentligi ma’lum qildi, deb yozadi “TASS”.
Agentlik ta’kidlashicha, Janubiy Koreyadan KXDRga qaytib kelgan, Shimoliy Koreya yetakchisining singlisi Kim Yo Chjon rahbarligidagi delegatsiya Kim Chen Inga safar hamda u yerda prezident Mun Chje In bilan bo‘lib o‘tgan muzokaralar tafsilotlari haqida ma’lumot bergan.
Seul va Pxenyan aloqalarida ayni paytda faol iliqlashuv kuzatilmoqda. O‘tgan hafta qishki Olimpiadaning ochilish marosimida qatnashish uchun Janubiy Koreyaga KXDR delegatsiyasi tashrif buyurdi, unga Oliy xalq yig‘ini (parlament) prezidiumi raisi Kim Yon Nam va KXDR yetakchisining singlisi Kim Yo Chjon kirdi. Ular Janubiy Koreya prezidentini yaqin orada Shimolga tashrif buyurib, u yerda KXDR yetakchisi bilan uchrashishga taklif qildi.
Izoh (0)