КХДР етакчиси Ким Чен Ин Жанубий Корея билан муносабатларни яхшилашни давом эттиришни муҳим деб ҳисоблайди. Бу ҳақда Корея Марказий телеграф агентлиги маълум қилди, деб ёзади «ТАСС».
Агентлик таъкидлашича, Жанубий Кореядан КХДРга қайтиб келган, Шимолий Корея етакчисининг синглиси Ким Ё Чжон раҳбарлигидаги делегация Ким Чен Инга сафар ҳамда у ерда президент Мун Чжэ Ин билан бўлиб ўтган музокаралар тафсилотлари ҳақида маълумот берган.
Сеул ва Пхеньян алоқаларида айни пайтда фаол илиқлашув кузатилмоқда. Ўтган ҳафта қишки Олимпиаданинг очилиш маросимида қатнашиш учун Жанубий Кореяга КХДР делегацияси ташриф буюрди, унга Олий халқ йиғини (парламент) президиуми раиси Ким Ён Нам ва КХДР етакчисининг синглиси Ким Ё Чжон кирди. Улар Жанубий Корея президентини яқин орада Шимолга ташриф буюриб, у ерда КХДР етакчиси билан учрашишга таклиф қилди.
Изоҳ (0)