O‘tgan yilning avgust oyida, mashhur Amerika brendi RC Cola O‘zbekistonda ishlab chiqarishni boshlaganini rasman ma’lum qildi. Bozorda paydo bo‘lganiga olti oy bo‘lishiga qaramasdan yangi brend allaqachon o‘z shinavandalari orasida ma’lum miqdorda mashhurlikka erishdi va taniqlilik statistikada 49% foiz ko‘rsatkichga ega bo‘ldi. Bugungi kunda, “haqiqiy amerikacha ta’mga” ega ichimlik o‘zining birinchi oraliq natijalarini tayyorlamoqda.
Hammasi qanday boshlandi?
3-avgust sanasida Family Group zavodida RC Cola shirin gazlangan ichimligini ishlab chiqarishni yo‘lga qo‘yish marosimi bo‘lib o‘tdi. Faxriy mehmonlar orasida AQSh elchisi, RC Cola Int. prezidenti, poytaxt hokimiyati vakillari, Toshkent shahrining restoratorlari va mashhur bloggerlar qatnashdilar.
Necha litr?
Ichimlikni qadoqlash 1,5 l va 0,5 l hajmdagi pet-idishlar ko‘rinishda chiqarila boshlandi, bir oy o‘tib mahsulot qatori 1 l hajmli ko‘rinishdagi, keyinroq aktiv trendni xush ko‘ruvchi faol yoshlar orasida mashhur bo‘lgan 0,33 l hajmli yorqin o‘ramdagi ko‘rinish qo‘shildi.
Qayerdan sotib olish mumkin?
Bugungi kunda RC Cola Toshkent supermarketlarining ikki eng yirik tarmog‘i – Korzinka va Makro supermarketlarida, shuningdek, poytaxt va mamlakat bo‘ylab 10 000 dan ortiq savdo nuqtalarida sotilmoqda. Qolaversa, brend Horeca (poytaxt restoran va kafelari) segmentida taqdim etilmoqda.
“O‘zbekcha Jingle bells” yoki nima uchun butun Toshkent RC Cola’ning Yangi yil tabrigini kuyladi?
Bugungi kunda “amerikacha ta’m” yozuvli va amerikacha futbol o‘yinchisi, muxlisa qiz va qo‘lida lasso ushlagan qiz tasviri tushurilgan bannerlar poytaxt tashqi reklamasining eng taniqli tasvirlaridan biridir. Brendlangan avtobus bekatlari va do‘konlari, har bir supermarket ekranlaridagi katta bannerlar va reklama roliklari – RC Cola o‘zining faoliyati boshidan o‘zi uchun faol marketing o‘rnini belgilab oldi, bu esa FMCG segmenti ishtirokchilarini uyg‘otib yubordi va ular ham o‘z brendlarini taqdim etishni boshlab yuborishdi. Yorqin, keng ko‘lamli va ancha qimmat reklama kampaniyasi, yil oxirida retro uslubidagi video rolik bilan yakunlandi va odamlar endi ichimlik haqida gapira boshladilar. Mashhur Rojdestvo qo‘shig‘iga asoslangan yangi yil tabrigi esa o‘tgan yil uchun RC Cola reklamasining cho‘qqisi bo‘ldi. Kimdir yoqladi, yana kimdir qarshi bo‘ldi, lekin pinup uslubidagi go‘zal qizlar hech kimni befarq qoldirmadi.
RC Cola kimlarni qo‘llab-quvvatladi?
RC Cola sog‘lom turmush tarzini, faol va ijodiy yoshlarni qo‘llab-quvvatlaydigan brend sifatida o‘zini namoyon etadi. Yarim yildan kam vaqt mobaynida RC Cola Workout bo‘yicha musobaqa, Sergey Zlotnikovning “Raqs energiyasi” maktabi tomonidan tashkil etilgan dance battle, Rubik kubigini yig‘ish bo‘yicha xalqaro musobaqa, “So‘z ustalari ligasi” rep-batli va boshqa bir qator loyihalarga homiylik qildi.
Korxona vakilining mulohazasi:
Shohruh Nizomutdinov, RC Cola Uzbekistan vakili: “Biz O‘zbekiston bozorida endi yarim yildan buyon ishlayapmiz, va albatta, hali xulosa qilish va biror-bir muhim yutuqlar haqida gapirishga erta. Lekin, bizda umumiy strategiya va borayotgan yo‘nalishimiz haqida tushuncha mavjud. Biz o‘z mahsulotimizni raqobatchi kompaniyalar mahsulotlari bilan solishtirmaymiz, biz o‘z mahsulotimiz uchun auditoriya yaratamiz va o‘z o‘rnimizni egallashni oldimizga maqsad qilib qo‘yganmiz. RC Cola brendi bizning hudud uchun noan’anaviy bo‘lgan, 60-yillar Amerika uslubi, pinap retro uslubi, yorqin va ijodkor yoshlar ko‘rinishida barchaga qiziqarlidir. ‘1905-yildan buyon haqiqiy amerikacha ta’m’ – ushbu ibora mazkur haqiqiy amerika brendining boy tarixidan darak beradi va bizning marketing va PR-strategiyamiz ham ushbu tarixga asoslangan. 2018-yilda biz RC Cola yordamida sog‘lom turmush tarzi, ijodiy loyihalar va faol yoshlarni qo‘llab-quvvatlash uchun qator loyihalarni amalga oshirishni rejalashtirmoqdamiz”.
Izoh (0)