Toshkentdagi qalbaki 50 ming so‘mliklar, qo‘shni mamlakatlardan tovar olib kirishdagi 300 dollarlik limit, bozordagi kutubxonani buzdirmoqchi bo‘layotgan hokim va kunning boshqa muhim xabarlari

8-fevralning e’tiborga molik yangiliklari — “Daryo”ning kechki dayjestida.

1. Shavkat Mirziyoyev MXXning sobiq mulozimini “sotqin” deb atadi. Prezident shu vaqtgacha kimlarni “sotqin” deb atadi?

2. Rossiyadagi muhojirlar 12 yilda O‘zbekistonga qancha pul o‘tkazdi? Agar 2013-yilgi sur’at saqlanib qolganida, umumiy mablag‘ ko‘rsatkichi yanada yuqori bo‘lardi, albatta.

3. O‘zbekistonda tovarlarni bojsiz olib kirishning yangi me’yorlari belgilandi. Masalan, Qozog‘iston chegarasidan endi 1000 dollarlik emas, faqat 300 dollarlik mahsulot olib o‘tish mumkin.

4. 15 kishigacha yo‘lovchi sig‘imiga ega avtotransport vositalariga Qamchiq dovonidan o‘tishga ruxsat beriladi. Bu O‘zbekiston Prezidentining “Ichki turizmni jadal rivojlantirishni ta’minlash chora-tadbirlari to‘g‘risida”gi qarorida belgilab qo‘yilgan.

5. Toshkent shahrida 50 ming so‘mlik pullarni qalbakilashtirish bilan shug‘ullanib kelgan guruh qo‘lga olindi. Ular tomonidan 100 dona qalbaki pul tayyorlangani aytilmoqda, uning 3,6 million so‘mlik qismi muomalaga kirib ketgan.

6. Rishton tuman hokimi hunarmandning o‘z hisobidan bozorda qurgan kutubxonasini buzdirmoqchi. Tuman rahbari “boshqa yerdan joy olib beraman, kredit ham beraman”, deb aytgan.

7. Qishki Olimpiada mezboni Pxyonchxanda O‘zbekiston bayrog‘i hilpiray boshladi. Sport o‘yinlarining ochilish marosimi 9-fevral kuni bo‘lib o‘tadi.