Bugun,

  • USD 11095.31
  • RUB 173.84
  • EUR 10772.44

Toshkent shahrida Bahodir Isroilov, Furqat Azizlarxo‘jayev, Dilshod Qilichev va Shahboz Ishaqov o‘zaro til biriktirib, 50 ming so‘mlik kupyuralarni qalbakilashtirish bilan shug‘ullanib kelgani aniqlandi. Bu haqda IIBB matbuot xizmati ma’lum qildi.

Foto: Sputnik

Foto: Sputnik

Ular jami 100 dona shunday qalbaki pul tayyorlagan va bundan 3,6 million so‘mini ehtiyoji uchun sarflashga ham ulgurgan.

7-fevral kuni Toshkent shahar IIBB xodimlari tomonidan o‘tkazilgan tadbir jarayonida mazkur guruh Yashnobod tumani joylashgan do‘konda mahsulot xarid qilmoqchi bo‘lgani aniqlanib, ushlandi va ulardan 1,4 million so‘m miqdoridagi qalbaki pul ashyoviy dalil sifatida rasmiylashtirib olindi.

Mazkur holat yuzasidan Yashnobod tumani IIB huzuridagi tergov bo‘limi tomonidan JKning 176-moddasi 2-qismi “v” bandi (bir guruh shaxslar tomonidan oldindan til biriktirib, o‘tkazish maqsadida qalbaki qimmatli qog‘ozlar yasash va ularni o‘tkazish) alomatlari bilan jinoyat ish qo‘zg‘atildi.

Hozirda dastlabki tergov harakatlari davom ettirilib, ularning boshqa jinoyatlarga aloqadorliklari tekshirilmoqda.

Izoh
Asosiy yangiliklar
Dunyo
“Daryo” kundaligida 9-dekabrda sodir bo‘lgan eng muhim voqealar
Dunyo
Qozog‘iston Rossiyaga zirhli texnika jo‘natishi haqida xabarlar tarqaldi (video)
Madaniyat
Shahzoda Garri va Megan Markl yangi hujjatli filmda Yelizavetta II ni masxaralab, qirollik oilasi a’zolarini irqchilikda aybladi (video)