Toshkent viloyat Xalq deputatlari Kengashining navbatdagi sessiyasida Toshkent viloyat IIB boshlig‘i Abdumalik Allamuradovning Toshkent viloyatida jinoyatchilikning barvaqt oldini olish va huquqbuzarlikka qarshi kurashish bo‘yicha viloyat ichki ishlar boshqarmasi hamda uning quyi tizimlarining 2017-yildagi faoliyati va 2018-yildagi vazifalari yuzasidan axboroti eshitildi. Bu haqda viloyat ichki ishlar boshqarmasi matbuot xizmati xabar berdi.
2017-yilda Toshkent viloyati hududida 2016-yilga nisbatan 1331 ta jinoyatlarning kamayishiga erishilgan.
Huquqni muhofaza qiluvchi organlar, o‘zini-o‘zi boshqarish organlari, hokimliklar, deputat va senatorlar bilan birgalikda olib borilgan targ‘ibot tadbirlari natijasida qotillik 25 taga, qasddan badanga og‘ir tan jarohati yetkazish 16 taga, o‘rta hamda yengil shikast yetkazish 243 taga, nomusga tegish 25 taga, bosqinchilik 38 taga, talonchilik 36 taga, bezorilik jinoyatlari 194 taga kamaygan.
Birgina mahalla posbonlari tomonidan 4 ming 971 ta turli huquqbuzarliklar aniqlangan, ularning bergan xabarlariga asosan 190 ta jinoyat fosh etilgan.
Voyaga yetmaganlar, yoshlar hamda xotin-qizlar o‘rtasida olib borilgan tarbiyaviy-profilaktik ishlar natijasida ular tomonidan jinoyatlar sodir etilishi kamaygan.
Jinoyat sodir etib qidiruvda yurgan shaxslardan 1066 nafari ushlangan.
Viloyat hududida jinoyatchilikni jilovlash, mahallalarni jinoyatdan holi hududga aylantirish maqsadida 2018-yilga mo‘ljallangan asosiy chora-tadbirlar rejasi ishlab chiqilgan va unda ustuvor vazifalar belgilab olingan.
Izoh (0)