7-fevralning e’tiborga molik yangiliklari — “Daryo”ning kechki dayjestida.
1. Shavkat Mirziyoyev Rajab Toyyib Erdo‘g‘onni davlat tashrifi bilan O‘zbekistonga kelishga taklif etdi. 7-fevral kuni ikki davlat rahbari o‘rtasida telefon orqali muloqot bo‘lib o‘tgan.
2. Sun’iy urug‘lantirishning hukmi qanday? Diniy idora fatvo e’lon qildi. “Haqiqatan ham, shu kunlarda ushbu mavzu kun tartibiga chiqdi, desak mubolag‘a bo‘lmaydi. Hatto, ayrimlar yetti yot begona insonning urug‘idan homilador bo‘lib, qilgan ishi joiz emasligini bilgach, endi nima qilaman, deb bosh qotirayotgani ko‘pchiligimizga ma’lum”.
3. “Gazning o‘zi yo‘q”. “O‘ztransgaz” vodiydagi gaz quyish shoxobchalarida yuzaga kelgan tanqislik borasida tushuntirish berdi.
4. Toshkent IIBBga Yashnaboddagi maktab-internatda joylashtirilgan bomba haqida xabar berildi. Hammasi mast ayol o‘z o‘g‘lini olib ketishga kelganidan so‘ng boshlangan.
5. Tanasidan ignalar topilgan 11 oylik chaqaloqning holati ijobiy tomonga o‘zgarmoqda. “Bunday vaziyatlar oldin ham bo‘lgan. Hatto 22 ta igna yutgan bemor ham tibbiy elak yordamida, operatsiyasiz davolangan”.
6. Qay biri ko‘proq: muhojirlar yuborgan pul yoki asosiy eksport mahsulotidan tushgan daromad? Raqamlarga ko‘z yugurtirib, xomashyo yo tayyor mahsulotdan ko‘ra (yoki u bilan birga) mehnat resurslari eksporti daromadliroq emasmikin, degan fikr uyg‘onishi tabiiy.
7. Toshkent metropolitenida suratga olishga ruxsat beriladi. Bu haqda O‘zbekiston Turizmni rivojlantirish davlat qo‘mitasi raisi Aziz Abduhakimov ma’lum qildi.
8. Space X koinotga bortida Tesla avtomobili bo‘lgan eng og‘ir Falcon Heavy raketasini uchirdi. Ilon Mask uchayotgan Tesla Roadster’ni namoyish etdi.
Izoh (0)