Тошкентдаги бомба ҳақида сохта хабар, сунъий уруғлантириш ҳақида фатво, «ўзи йўқ» газ ёнилғиси ва куннинг бошқа муҳим хабарлари

7 февралнинг эътиборга молик янгиликлари — «Дарё»нинг кечки дайжестида.

1. Шавкат Мирзиёев Ражаб Тоййиб Эрдўғонни давлат ташрифи билан Ўзбекистонга келишга таклиф этди. 7 февраль куни икки давлат раҳбари ўртасида телефон орқали мулоқот бўлиб ўтган.

2. Сунъий уруғлантиришнинг ҳукми қандай? Диний идора фатво эълон қилди. «Ҳақиқатан ҳам, шу кунларда ушбу мавзу кун тартибига чиқди, десак муболаға бўлмайди. Ҳатто, айримлар етти ёт бегона инсоннинг уруғидан ҳомиладор бўлиб, қилган иши жоиз эмаслигини билгач, энди нима қиламан, деб бош қотираётгани кўпчилигимизга маълум».

3. «Газнинг ўзи йўқ». «Ўзтрансгаз» водийдаги газ қуйиш шохобчаларида юзага келган танқислик борасида тушунтириш берди.

4. Тошкент ИИББга Яшнабоддаги мактаб-интернатда жойлаштирилган бомба ҳақида хабар берилди. Ҳаммаси маст аёл ўз ўғлини олиб кетишга келганидан сўнг бошланган.

5. Танасидан игналар топилган 11 ойлик чақалоқнинг ҳолати ижобий томонга ўзгармоқда. «Бундай вазиятлар олдин ҳам бўлган. Ҳатто 22 та игна ютган бемор ҳам тиббий элак ёрдамида, операциясиз даволанган».

6. Қай бири кўпроқ: муҳожирлар юборган пул ёки асосий экспорт маҳсулотидан тушган даромад? Рақамларга кўз югуртириб, хом ашё ё тайёр маҳсулотдан кўра (ёки у билан бирга) меҳнат ресурслари экспорти даромадлироқ эмасмикин, деган фикр уйғониши табиий.

7. Тошкент метрополитенида суратга олишга рухсат берилади. Бу ҳақда Ўзбекистон Туризмни ривожлантириш давлат қўмитаси раиси Азиз Абдуҳакимов маълум қилди.

8. Space Х коинотга бортида Tesla автомобили бўлган энг оғир Falcon Heavy ракетасини учирди. Илон Маск учаётган Tesla Roadster’ни намойиш этди.