Jizzaxda “Tez tibbiy yordam”ning kechikib borish holatlari 65 foizga kamaydi

Jizzax viloyatida bir yil ichida “Tez tibbiy yordam” shoxobchalari soni 19 tadan 45 taga yetkazildi, deb xabar beradi “Xalq so‘zi”.

Qayd etilishicha, xarid qilingan Hyundai, Nissan, “Damas-ambulans” rusumli 102 ta yangi avtomashina hisobiga chaqiruv manziliga kechikib borish holatlari 65 foizga kamayib, moliyalashtirish ikki, dori vositalari bilan ta’minlash uch baravarga oshdi.

“Shuningdek, respublika shoshilinch tibbiy yordam ilmiy markazi Jizzax filiali xorijiy moliya institutlarining 3,4 million AQSh dollari miqdoridagi kredit va grant mablag‘lari hisobiga zamonaviy tibbiyot asbob-uskunalari bilan jihozlandi. Shifokorlar faoliyati to‘g‘ri yo‘lga qo‘yilishi natijasida aholining tor doiradagi mutaxassislar xizmati uchun markazga qatnash darajasi 16—17 foizga kamayishiga erishilgan”, — deyiladi xabarda.